ഫോറസ്റ്റ് റെസ്ക്യൂ വാച്ചറുടെ വീട്ടിൽ 35 പെരുമ്പാമ്പിൻ കുഞ്ഞുങ്ങളെ കണ്ടെത്തി. കണ്ണൂർ കോടിയേരി സ്വദേശിയായ ബിജിലേഷിന്‍റെ വീട്ടിൽ നിന്നാണ് പെരുമ്പാമ്പിൻ കുഞ്ഞുങ്ങളെ കണ്ടെത്തിയത്.
കഴിഞ്ഞ ഏപ്രിലിൽ പാനൂരിൽ നിന്ന് കണ്ടെത്തിയ പെരുമ്പാമ്പിനൊപ്പമുണ്ടായിരുന്ന മുട്ടകളാണ് ബിജിലേഷിന്‍റെ വീട്ടിൽ വിരിഞ്ഞത്. ഇവയെ കണ്ണവം വനത്തിൽ തുറന്നുവിട്ടു.
ഏപ്രിൽ 16ന് ആണ് പാനൂരിലെ മനേക്കരയിൽ പെരുമ്പാമ്പിനൊപ്പം മുട്ടകളും കണ്ടെത്തിയത്. തുടർന്ന് തള്ളപ്പാമ്പിനെ അന്ന് തന്നെ കണ്ണവം വനത്തിൽ വിട്ടു. മുട്ടകൾ റസ്ക്യൂ വാച്ചറായ ബിജിലേഷ് വീട്ടിൽ കൊണ്ടുപോവുകയായിരുന്നു.
